Orchesographie - Branles couppés

ORCHESOGRAPHIE
Branles couppés
Cassandre, Pinagay, Charlotte, Guerre, Aridan.

De tous les branles cy dessuz comme d'une source sont derivez & emannez certains branles composez, & entremeslez de doubles, de simples, de piedz en lair, de piedz joinctz & saultz quelquesfois variez par intercalation de mesures diverses, pesantes ou legieres, selon que bon a semblé aux compositeurs & inventeurs. Les joueurs distrumentz les appellent

branles de Champagne couppez. Et affin de saccorder par ensemble, ils ont mis ces branles par suites de certains nombres, comme les nostres de Lengres en jouent dix de suitte, quilz appellent branles de Champagne couppez. Ilz en jouent un certain aultre nombre de suitte, qu'ilz appellent branles de Camp, une aultre suitte, ilz la nomment branles de Henault, une aultre suitte, ilz la nomment branles d'Avignon: Et aultant qu'il survient de fresches compositions & nouveaultez, aultant en font ilz de suittes, & leur attribuent des noms à plaisir. Capriol. Donnés moy la tabulature de toutes ces suittes. Arbeau. Je ne vous en donneray point de tabulature, vous remectant à en faire les memoires de vous mesmes, soubs les instructions des maistres joueurs d'instruments, ou de voz compaignons. Et quant serés instruict, & les vouldrés dancer en quelque festin, vous demanderez auldicts joueurs, la suitte que vouldrés dancer, par son nom, & ilz la vous donneront. Ce pendant je vous advertiray, que si voulés bien dancer ces branles couppés, il vous fault sçavoir les airs par cœur, & les chanter en vostre esprit avec le violon. Capriol. Donnés men au moings la tabulature de deux ou trois, car par ce moyen j'auray plus facille entrée à l'intelligence de tous les aultres. Arbeau. Je le veulx bien, voicy la tabulature des branles de Cassandre & Pinagay, premier & second de la suitte des branles de Champaigne couppés, qui se dancent par mesure binaire, legierement sans sault (comme aussi font ceulx de Camp, de Henault & d'Avignon) ou bien les dancerez comme les branles du hault barrois, avec petits saultz.

Tabulature du branle couppé nommé Cassandre.

Air du branle couppé nommé Cassandre	Mouvements qu'il convient faire au branle couppé, nommé Cassandre

	pied gaulche largy.	Ces quatre pas font double a gaulche.
	Pied droit approché.
	Pied gaulche largy.
	Pieds joincts.

	Pied droit largy.	Ces quatre pas font double a droict.
	Pied gaulche approché.
	Pied droit largy.
	Pieds joincts.

	Pied gaulche largy.	Ces quatre pas font un double a gaulche.
	Pied droit approché.
	Pied gaulche largy.
	Pieds joincts.

	Pied droit largy.	Ces quatre pas font un double a droict.
	Pied gaulche approché.
	Pied droit largy.
	Pieds joincts.

Continuation de l'air	Mouvement

	Pied gaulche largy.	Ces deux font simple a gaulche.
	Pieds joincts.	Ces deux font simple a gaulche.

	Pied droit largy.	Ces quatre pas font un double a gaulche. ^[11]
	Pied gaulche appro.
	Pied droit largy.
	Pieds joincts.

Tabulature du branle couppé appellé Pinagay.

Air du branle Pinagay.	Mouvements.

	Pied gaulche largy.	Ces quatre pas font double a gaulche.
	Pied droit approché.
	Pied gaulche largy.
	Pieds joincts.
	Pied en l'air gaulche.

	Pied gaulche largy.	Ces quatre pas font un double a droict. ^[12]
	Pied droit approché.
	Pied gaulche largy.
	Pieds joinctz.
Continuation de l'air.	Continuation des mouvements.

	Pied en l'air gaulche.
	Pied en l'air droict.
	Pied en l'air gaulche.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts.

	Pied largy droit.	Ces quatre pas font un double a droict.
	Pied gaulche approché.
	Pied largy droit.
	Pieds joincts.

Capriol. Je croy que sçavez tous les mouvements des branles couppés. Arbeau. Du commencement que je vins demeurer en ceste ville de Lengres, on ne parloit que dances, mascarades, & allegresses: Nous avions maistre Claudin qui jouoit divinement bien des instruments, & nous faisoit exercer gaillardement: Depuis quelque temps, je ny voy plus que du chagrin, avec cela je suis devenu vieil & pesant: Nous dancions lors entre aultres branles couppez, le branle de la Guerre, le branle d'Aridan, le branle de Charlotte, & une infinité d'aultres. Capriol.

Comment danciez vous ces branles que vous dictes? Arbeau. Vous le verrez par leur tabulature.

Tabulature du branle couppé Charlotte.

Air du branle couppé appellé Charlotte.	Mouvements requis pour dancer ce branle.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts.

	Pied en l'air gaulche.
	Pied en l'air droict.

	Pied largy droict.	Ces quatre pas font un double a droict.
	Pied gaulche approché.
	Pied largy droict.
	Pieds joincts.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts.

Continuation de l'air.	Continuation des mouvements.

	Pied en l'air gaulche.
	Pied en l'air droict.

	Pied largy droit.	Ces deux pas font simple a droict.
	Pied gaulche approché.	Ces deux pas font simple a droict.
	Pied en l'air gaulche.

	Pied en l'air droict.
	Pied en l'air gaulche.

	Pied largy gaulche.	Ces deux pas font simple a gaulche.
	Pied droit approché.	Ces deux pas font simple a gaulche.
	Pied en l'air droit.

	Pied en l'air gaulche.
	Pied en l'air droit.

	Pied largy droit.	Ces quatre pas font un double a droict.
	Pied gaulche approché.
	Pied largy droit.
	Pieds joincts.

Et continuerez en repetant comme au commencement: Et notterez que si vous le voulez dancer en forme de

hault-barrois, vous fauldra faire des petits saults, ou voiez les minimes blanches a vuyde.

Tabulature du branle couppé de la guerre.

Air du branle couppé de la guerre.	Mouvements requis pour dancer ce branle.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts

	Pied largy droict.	Ces quatre pas font un double a droict.
	Pied gaulche approc.
	Pied largy droict.
	Pieds joincts.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts
	Pied largy droit.	Ces quatre pas font un double a droict.
	Pied gaulche approc.
	Pied largy droit.
	Pieds joincts.

Continuation de l'air.	Continuation des mouvements.

	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts
	Pied largy droit.	Ces quatre pas font un double a droit.
	Pied gaulche approc.
	Pied largy droit.
	Pieds joincts.
	Pied largy gaulche.
	Pieds joincts.
	Pied largy droit.
	Pieds joincts.
	Pied largy gaulche.	Ces quatre pas font un double a gaulche.
	Pied droict approché.
	Pied largy gaulche.
	Pieds joincts
	Pied largy droit.
	Pieds joincts.
	Pied largy gaulche.
	Pieds joincts.
	Pied largy droit.	Ces quatre pas font un double a droit.
	Pied gaulche approc.
	Pied largy droit.
	Pieds joincts.
	Pied largy gaulche.
	Pieds joincts.
	Greve gaulche.
	Greve droicte.
	Greve gaulche.
	Pieds joincts.
	Sault majeur avec capr.

Tabulature du branle couppé appellé Aridan.

Air du branle couppé appellé Aridan.	Mouvements requis pour dancer ce branle.

	Pied largy gaulche.	Ces quatre pas font un double a gaulche.
	Pied droit approché.
	Pied largy gaulche.
	Pieds joincts.
	Pied en l'air gaulche.
	Pied en l'air droit.
	Pied en l'air gaulche.

	Pied largy gaulche.	ces quatre pas font un double a gaulche.
	Pied droit approché.
	Pied largy gaulche.
	Pieds joincts.
	Pied largy droit.	Ces deux pas font simple a droit.
	Pieds joincts.	Ces deux pas font simple a droit.
	Pied largy gaulche.	Ces deux pas font simple a gaulche.
	Pieds joincts.	Ces deux pas font simple a gaulche.
	Pied largy droit.	Ces deux pas font simple a droit.
	Pieds joincts.	Ces deux pas font simple a droit.

En tornant le feuillet, vous treuverez la continuation de l'air & des mouvements de ce branle.


	Pied largy gaulche.	Ces quatre pas font un double a gaulche.
	Pied droit approché.
	Pied largy gaulche.
	Pieds joincts.
	Pied en l'air gaulche.
	Pied en l'air droit.
	Pied largy droit.	ces quatre pas font un double a droict.
	Pied gaulche approché.
	Pied largy droit.
	pieds joincts.

	pied largy gaulche.
	pied droit approché.
	pied largy gaulche.
	greve droicte.
	pied largy droit.
	pied gaulche approc.
	greve gaulche.
	souspir:

Autres branles.
Suivant

Branles régionaux.

Table des chapitres.

N	I	C	O	L	A	S
http://graner.net/nicolas/ Contacter l'auteur.